6-уми октябри соли ҷорӣ ҷаласаи ҳайати мушовараи Агентии назорат дар соҳаи маориф ва илми назди Президенти Ҷумҳурии Тоҷикистон оид ба ҷамъбасти фаъолияти Агентӣ дар нуҳ моҳи соли 2023 баргузор гардид.

  Дар ҷаласа муовини якуми директори Агентии назорат дар соҳаи маориф ва илми назди Президенти Ҷумҳурии Тоҷикистон-Содиқзода Хурсанд, муовини директор-Назарализода Дилафрӯз, намояндагони вазоратҳои маориф ва илм, тандурустӣ ва ҳифзи иҷтимоии аҳолӣ, фарҳанг, саноат ва технологияҳои нав, рушди иқтисод ва савдо, меҳнат, муҳоҷират ва шуғли аҳолии Ҷумҳурии Тоҷикистон, муовини Сарраёсати маорифи шаҳри Душанбе, сардори Раёсати маорифи вилояти Суғд, муовини сардори Раёсати маорифи вилояти Хотлон, шурои ректорон ва директорони муассисаҳои таҳсилоти миёна ва олии касбӣ, намояндагони нашрияҳои “Омӯзгор”, “Маорифи Тоҷикистон”, “Маърифати омӯзгор”, сардорони раёсату шуъбаҳо ва бахшҳои дастгоҳи марказӣ ва минтақавии Агентии назорат дар соҳаи маориф ва илм иштирок доштанд.

  Ба ифтихори Рӯзи забони давлатии Ҷумҳурии Тоҷикистон дар толори маҷлисгоҳи Агентии назорат дар соҳаи маориф ва илми назди Президенти Ҷумҳурии Тоҷикистон дар мавзуи «Нақши забон дар рушди миллат» конференсияи имлӣ-назариявӣ баргузор гардид. Дар кори конференсия олимону забоншиносон аз Донишгоҳи миллии Тоҷикистон, Донишгоҳи давлатии омӯзгории Тоҷикистон ба номи Садриддин Айнӣ, роҳбарият ва кормандони дастгоҳи марказии Агентӣ иштирок намудаанд. Муовини якуми директори Агенетии назорат дар соҳаи маориф ва илми назди Президенти Ҷумҳурии Тоҷикистон Хурсанд Содиқзода бо сухани ифтитоҳӣ ба кори конференсия ҳусни оғоз бахшид. Сипас, аз ҷониби забоншиносону иштирокдорон дар васфи забони давлатӣ маърузаҳо ироа карда шуд.