Тоҷикӣ
Русский 
English 
Душанбе, 30 Декабр 2024 06:18
Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон
Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон
Санаи 28 декабр соли 2024, Паёми навбатии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии кишвар» ироа гардид. Кормандони раёсати Агентии назорат дар соҳаи маориф ва илм дар вилояти Хатлон, дар якҷоягӣ бо кормандони дигар ташкилоту муассисаҳо дар Кохи фарҳанги шаҳри Бохтар Паёмро тамошо карданд. Бояд қайд кард, ки Паёми имсолаи Президенти Ҷумҳурии Тоҷикистон муҳтарам Эмомалӣ Раҳмон фарогири тамоми самтҳои ҳаёти ҷомеа буда, барои рушди минбаъдаи соҳаҳои иқтисодиёт, иҷтимоиёт, маориф, фарҳанг, варзиш ва умуман ноил гардидан ба зиндагии шоистаи мардуми шарафманди Тоҷикистон ҳуҷҷати роҳнамои комил мебошад. Хело хурсандибахш аст, ки чун солҳои қаблӣ, имсол низ барои беҳтар намудани шароити мардум аз ҷониби Пешвои миллат эълон гардид, ки музди маоши кормандони бахши буҷавӣ, стипендия ва нафақапулӣ зиёд карда мешаванд. Бо ин мақсад аз 1 сентябри соли 2025 музди маоши кормандони муассисаҳои таълимии томактабӣ ва таҳсилоти умумӣ 30 фоиз ва дигар кормандони мақомоти давлатӣ, аз ҷумла соҳаи маориф, фарҳанг, тандурустӣ, варзиш ва мақомоти иҷроияи маҳаллӣ ба андозаи 20 фоиз зиёд карда мешаванд. Боиси ифтихор ва қаноатмандист, ки Пешвои миллат, муҳтарам Эмомалӣ Раҳмон ба соҳаи илму маориф таваҷҷӯҳи доимӣ дошта, барои пойдории сулҳу ваҳдат, амнияти мардуму сарзамин, давлатдории миллӣ ва ҷовидонагии Тоҷикистони азиз рушду инкишофи илму маорифро зарур меҳисобанд. Дар Паёми навбатиашон низ, Пешвои миллат қайд намуданд, ки Ҳукумати мамлакат ба соҳаи илму маориф аҳамияти аввалиндараҷа медиҳад. Инчунин, Пешвои миллат дар Паёмашон қайд намуданд, ки дар се соли охир зиёда аз 1500 адад иншооти соҳаи маориф бунёд ва ба истифода дода шуданд. Ҳамзамон, бо дарназардошти афзоиши аҳолӣ ва ниёз ба муассисаҳои таълимӣ масъулон вазифадор гардиданд, ки дар 5 соли оянда сохта ба истифода додани 800 адад муассисаи таҳсилоти томактабӣ ва 1000 адад муассисаи таҳсилоти умумиро таъмин намоянд.
Бояд гуфт, ки дар 5 соли оянда, дар ҳар як маҳалли аҳолинишин, ки 100 хонавода зиндагӣ мекунад, бунёди 1 адад муассисаи таҳсилоти томактабӣ сохта мешавад. Ба Ҳукумати мамлакат, Вазорати маориф ва илм супориш дода шуд, ки дар ин муддат, фарогирии 50 фоиз кӯдакон ба муассисаҳои таҳсилоти томактабиро таъмин намоянд. Ба ғайр аз ин Пешвои миллат дар Паёмашон ба масъулон дастур доданд, ки вобаста ба рушди фанҳои технологӣ зарурати аз нав таҳия намудани барномаву нақшаҳо ва стандартҳои таълимӣ ба миён омадааст. Инчунин, барои ба таври васеъ ва самаранок ба роҳ мондани омузиши забонҳои хориҷӣ зиёд намудани воњидњои кории омӯзгорони ин фанҳо лозим аст. Хело фараҳбахш аст, ки сарвари давлат зимни Паёми навбатиашон ба таълиму тарбияи насли наврас, соҳиби касб ва илму дониш гардидани ҷавонону наврасон, эҳтироми волидайн хусусан модарону бонувон, сидқан дӯст доштани ҳамватанон ва барои ноил гардидан ба зиндагии шоста дахл намуданд. Аз ҷумла қайд гардид, ки мардуми Тоҷикистон ҳуқуқи зиндагии шоистаро дорад.
Мо кормандони раёсати Агентӣ дар вилояти Хатлон низ беш аз пеш кушиш менамоем, ки Паёми роҳнамунсози Пешвои миллатро сармашқи кори худ қарор дода, барои ба даст овардани вазифаҳои гузошташуда аз тамоми имкониятҳо истифода намоем.
Сардори раёсати Агентии назорати маориф
ва илм дар вилояти Хатлон - Аззизода Бахриддин
Душанбе, 30 Декабр 2024 06:16
ПАЁМИ ПРЕЗИДЕНТИ ҶУМҲУРИИ ТОҶИКИСТОН МУҲТАРАМ ЭМОМАЛӢ РАҲМОН - ТАВАҶҶУҲИ АВВАЛИНДАРАҶА БА СОҲАИ МАОРИФ
ПАЁМИ ПРЕЗИДЕНТИ ҶУМҲУРИИ ТОҶИКИСТОН МУҲТАРАМ ЭМОМАЛӢ РАҲМОН - ТАВАҶҶУҲИ АВВАЛИНДАРАҶА БА СОҲАИ МАОРИФ
28 декабр дар толори Парлумони Тоҷикистон дар ҷаласаи якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон Паёми худро «Дар бораи самтҳои асосии сиёсати дохилї ва хориљии кишвар» ба Маҷлиси Олии Ҷумҳурии Тоҷикистон ироа намуданд.
Пешвои муаззами миллат дар баробари таҳлили соҳаҳои гуногуни иқтисодиёти миллӣ, ба соҳаи маориф илм таваҷҷуҳи хосса зоҳир намуда, таъкид доштанд, ки давлатҳои пешрафтаи дунё аз руй овардан ба ин соҳаи афзалиятнок ва аз фуруши идеяҳои олимону донишмандони худ ва аз натиҷаи ихтирооту кашфиёти техника ва технологияи нав ҳаҷми маҷмуи маҳсулоти дохилии худро пайваста боло мебаранд.
Бинобар ин, таъкид намуданд, ки бояд ин соҳаи ҳаётан муҳим дар зери танзими давлатӣ қарор дошта бошад. Зимни суханрониашон Пешвои муаззами миллат зикр намуданд, ки дар доираи нақшаи корҳои ободониву бунёдкорӣ ба истиқболи ҷашни 35-солагии истиқлоли давлатӣ дар се соли охир дар мамлакат беш аз 1500 иншооти соҳаи маориф, яъне муассисаҳои таҳсилоти томактабӣ ва миёнаи умумӣ бунёд ва ба истифода дода шуданд.
Бояд тазкуккур дод, ки сохта ба истифода додани муассисаҳои таълимӣ вобаста ба афзоиши аҳолӣ ин саривақтӣ буда, аксарияти онҳо муассисаҳои таълимии типпи нав мебошанд, ки барои таъмини сифати тањсилот заминаи мусоидро фароҳам меоварад. Тайи солҳои соҳибистиқлолӣ дар кишвар 3670 муассисаи нави таҳсилоти миёнаи умумӣ, 262 муассисаи томактабӣ ва 35 муассисаи таҳсилоти олии касбӣ сохта, ба истифода дода шуд.
Ҳамзамон, Президенти маҳбуби кишвар бо мақсади боз ҳам беҳтар намудани сатҳи некуаҳволии мардуми кишвар ва тақвият бахшидани ҳифзи иҷтимоии аҳолӣ супориш додаанд, ки аз 1-уми сентябри соли 2025 маоши вазифавии кормандони муассисаҳои таҳсилоти томактабӣ ва миёнаи умумии соҳаи маориф 30 фоиз зиёд карда шавад.
Дар баробари ин, маоши вазифавии кормандони дигари муассисаҳои соҳаи маориф, соҳаҳои илм, фарҳанг, варзиш, тандурустӣ, муассисаҳои соҳаи ҳифзи иҷтимоӣ, мақомоти ҳокимият ва идоракунии давлатӣ ва дигар муассисаҳои буҷетӣ, инчунин, стипендияҳо 20 фоиз зиёд карда шавад.
Дар воқеъ Пешвои муаззами миллат ҳар сол дар баробари дигар соҳаҳо маоши омӯзгорону кормандони соҳаи маориф ва илмро баланд мебардорад, ки аз таваҷҷуҳи хоса зоҳир намудани Президенти кишварамон ба соҳаи маориф ва илм дарак медиҳад. Ин аст, ки зимни супориши Президенти маҳбуби кишвар дар бораи баланд бардоштани маоши вазифавии кормандони соҳаҳои гуногун маълум гардид, ки аз ҳама зиёд маоши вазифавии кормандони муассисаҳои таҳсилоти томактабӣ ва миёнаи умумии соҳаи маориф аст, ки 30 фоиз мебошад.
Бодарназардошти таваҷҷуҳи аввалиндараҷа доштани Пешвои муаззами миллат ба соҳаи маориф ба Ҳукумати мамлакат, Вазорати маориф ва илм ва роҳбарони мақомоти иҷроияи маҳаллии ҳокимияти давлатӣ супориш додаанд, ки бо дарназардошти афзоиши аҳолӣ ва зиёд гардидани шумораи кӯдакону наврасон тадбирҳои мушаххас андешанд.
Яъне дар панҷ соли оянда бо истифода аз ҳамаи сарчашмаҳои маблағгузорӣ ва бо дарназардошти ҳадафи гузошташуда барои фарогирии 50 фоизи кӯдакони синну соли томактабӣ бунёди 800 муассисаи таҳсилоти томактабӣ ва беш аз 1000 муассисаи таҳсилоти умумиро таъмин намоянд.
Инчунин ба роҳбарони вилоятҳо ва шаҳру ноҳияҳо дастур додаанд, ки дар панҷ соли оянда, бо дарназардошти афзоиши аҳолӣ, барои дар ҳар як маҳалли аҳолинишин, ки 100 оила зиндагӣ мекунад, ҳатман бунёд кардани як муассисаи томактабӣ тадбирҳои зарурӣ андешанд.
Ҳамзамон Президенти мамлакат иброз доштаанд, ки имрӯз дар соҳаи маорифи мамлакат ҳашт барномаи давлатӣ ва ду стратегияи дарозмуддат татбиқ шуда истодааст, ки ба рушду инкишофи таълиму тарбия, амалигардонии ислоҳоти соҳа, дастгирии мактабу омӯзгор, таълифи китобҳои дарсии насли нав ва такмили мазмуну мундариҷаи таҳсилот мусоидат менамояд.
Пешвои муаззами кишвар зимни муқоисаи худ дар даврони соҳибистиқолии кишвар махсусан соҳаи маориф чунин иброз намудаанд:
Агар соли 1991 дар Тоҷикистон 3229 муассисаи таҳсилоти умумӣ бо 1,3 миллион нафар хонанда фаъолият дошта бошад, пас имрӯз 4037 муассиса, аз ҷумла 170 литсею гимназия, яъне муассисаҳои таълимии типи нав фаъолият менамоянд. Шумораи умумии хонандагони онҳо беш аз 2 миллиону 300 ҳазор нафарро ташкил медиҳад.
Соли 1991 дар кишвар ҳамагӣ 13 муассисаи таҳсилоти олии касбӣ бо 69 ҳазор донишҷӯ фаъолият мекард. Ҳоло шумораи ин муассисаҳо ба 48 ва донишҷӯёни онҳо ба зиёда аз 214 ҳазор нафар расидааст.
Имрӯз дар кишвар 65 литсейи касбҳои техникӣ, яъне муассисаҳои таҳсилоти ибтидоии касбӣ бо 23 500 хонанда ва курсҳои кӯтоҳмуддати касбомӯзӣ дар назди онҳо бо 12 000 хонанда, инчунин, 88 муассисаи таҳсилоти миёнаи касбӣ – коллеҷҳо бо 106 000 донишҷӯ фаъолият доранд.
Илова бар ин, дар замони соҳибистиқлолӣ беш аз 117 ҳазор ҷавонони боистеъдоди мамлакат барои таҳсил ба донишгоҳҳои бонуфўзи 42 кишвари пешрафтаи ҷаҳон фиристода шудаанд.
Имрӯз 42 ҳазору 400 нафар ҷавонони мо дар 42 давлати мутараққии ҷаҳон таҳсили илм доранд, ки 13 ҳазор нафар ё беш аз 30 фоизи онҳо духтарон мебошанд.
Инчунин, Президенти маҳубуби кишвар зикр намудаанд, ки имрузҳо дар соҳа 11 лоиҳаи сармоягузории давлатӣ ба маблағи 4,6 миллиард сомонӣ татбиқ шуда истодааст. Тавре Ҷаноби олӣ ишора кардаанд, ин маблағ ғайр аз буҷети давлатӣ мебошад.
Ҳаҷми маблағгузорӣ ба соҳаи маориф аз ҳисоби буҷети давлатӣ низ назаррас буда, тибқи таҳлилҳои ЮНЕСТКО ва Бонки Ҷаҳонӣ Тоҷикистон ба гуруҳи кишварҳое дохил шудааст, ки ҳаҷми маблағгузории он ба соҳаи маориф аз ҳисоби буҷети давлат зиёд мебошад. Дар ин радабандӣ мамлакати мо аз 183 кишвари таҳти омӯзиш қарордошта ҷойи 21-умро ишғол менамоян
Бодарназардошти таваҷҷуҳи аввалиндараҷа доштани Пешвои муаззами миллат ба соҳаи маориф, мо кормандони ин соҳаи ҳаётан муҳимро лозим аст, ки бо масъулияти баланд дар иҷрои вазифаҳои ба уҳдаамон гузошташуда софдилона камари ҳиммат бандем.
Муовини якуми директори Агентии
назорат дар соҳаи маориф ва илми назди
Президенти Ҷумҳурии Тоҷикистон
Содиқзода Хурсанд Сафар
Душанбе, 30 Декабр 2024 06:13
ПАЁМИ ПЕШВО – РОҲНАМОИ МИЛЛАТИ ТОҶИК
ПАЁМИ ПЕШВО – РОҲНАМОИ МИЛЛАТИ ТОҶИК
Ҳамасола мардуми шарафманди тоҷик Паёми Президенти Ҷумҳурии Тоҷикистон муҳтарм Эмомалӣ Раҳмонро «Дар бораи сиёсати дохилӣ ва хориҷии Ҷумҳурии Тоҷикистон» ба Маҷлиси Олии Ҷумҳурии Тоҷикистонро бесаброна интизорӣ мекашанд. Паёми имсолаи Пешвои миллат муҳтарам Эмомалӣ Раҳмон дар бинои бошукуҳи Парлумони Тоҷикистон баргузор гардид. Паёми раҳнамунсоз фарогири тамоми баҳлуҳои ҳаёти иҷтимоиву иқтисодии мамлакат буда, чун ҳарвақта соҳаи маориф дар меҳвари асосии сиёсати дохилии Ҳукумати Ҷумҳурии Тоҷикистон қарор дошта, таҳлили вазъи соҳа шуруъ аз зинаи таҳсилоти томактабӣ, умумӣ, ибтидоӣ, миёна ва олии касбӣ дар соли 2024 ва даврони соҳибитиқлолии кишвар мавриди таҳлили ҳамаҷониба қарор дода шуд. Пешвои миллат муҳтарам Эмомалӣ Раҳмон таъкид намуданд, ки дар шароити ҷаҳонишавӣ хеле мубрам гардидани омӯзиши забонҳои хориҷӣ, махсусан забонҳои русӣ ва англисӣ саркарда аз муассисаҳои таҳсилоти томактабӣ ба роҳ монда шавад. Вобаста ба дастгирии ҳифзи иҷтимоии ва тақвиятбахшидани некуаҳволии мураббиёну омӯзгорон аз моҳи сентябри соли 2025 маоши вазифавии онҳои 30 дарсад зиёд карда мешавад. Маоши вазифавии дигар кормандони соҳаи маориф ва илм 20 дарсад зиёд када мешавад. Пешвои муаззами миллат кормандони соҳаи маориф ва мақомоти иҷроияи ҳокимияти давлатии шаҳру ноҳияҳоро вазифадор намуданд, ки бо дарназардошти афзоиши аҳолӣ дар 5 соли оянда барои фарогирии кӯдакон ба зинаи таҳсилоти томактабӣ бунёди 800 муассисаи таҳсилоти томактабӣ ва 1000 муассисаи таҳсилоти умумӣ сохта ба истифода дода шавад. Пешниҳоди ҷолиби диққати дигар ин буд, ки дар ҳар деҳоту маҳаллаҳое, ки дар онҳо зиёда аз 100 оила истиқомат мекунанд, ҳатман як муассисаи таҳсилоти томактабӣ сохта ба истифода диҳанд. Таъкид гардид, ки дар зарфи 10 соли оянда теъдодни хонандагон беш аз 1 млн. нафар меафзояд. Дар соли 2024 синфи 11-ро 136 ҳазор хатм намуда, 240 ҳазор кӯдак ба синфи якум рафтанд, ки зиёда аз 100 ҳазор ҷойи нишаст намерасад. Дар соҳаи маориф 11 лоиҳаи сармоягузорӣ бо маблағи 4,6 млрд. сомонӣ татбиқ гашта истодааст, ки ин низ аз дастирии Ҳукумати мамалакат нисбат ба соҳаи афзалиятноки кишвар дарак медиҳад. Дар зарфи 33 соли соҳибистиқлолии Ҷумҳурии Тоҷикистон 3670 муассисаи нави муассисаи таҳсилоти умумӣ, 262 муассисаи таҳсилоти томактабӣ ва 35 муассисаи таҳсилоти олии касбӣ сохта ба истифода дода шудааст.
Имрӯз 42 ҳазор ҷавонони тоҷик дар 42 кишвари дунё таҳсил менмоян, ки 30 фоизи онҳоро духтарон ташкил медиҳанд, ки ин аз заҳмати омӯзгор дарак медиҳад.
Паёми навбатии Пезиденти Ҷумҳурии Тоҷикистон муҳтарам Эмомалӣ Раҳмон мо кормандони соҳаи маорифро вазифадор менамояд, ки аҳлона кору фаъолият намоем ва дар рушди соҳаи маориф ва баландбардории сифати таҳсилот саҳми назарраси худро гузорем.
Сардори раёсати назорати давлатии муассисаҳои таҳсилоти томактабӣ,
миёнаи умумӣ ва иловагии Агентии назорат дар соҳаи маориф ва илми
назди Президенти Ҷумҳурии Тоҷикистон – Садуллозода Алишер
Душанбе, 30 Декабр 2024 06:12
Паёми Президенти маҳбуби мамлакат-калиди музаффариятҳои нав дар рушди соҳаҳои хоҷагии халқ ва сиёсати хориҷии Ҷумҳурии Тоҷикистон мебошад
Паёми Президенти маҳбуби мамлакат-калиди музаффариятҳои нав дар рушди соҳаҳои хоҷагии халқ ва сиёсати хориҷии Ҷумҳурии Тоҷикистон мебошад
Паёми навбатии Президенти Ҷумҳурии Тоҷикистон ба Маҷлиси миллӣ Маҷлиси Олии Ҷумҳурии Тоҷикистон дар бинои нави Парламони Ҷумҳурии Тоҷикистон, ки бо ташаббуси Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба истифода дода шуда буд, баргузор гардид.
Дар Паёми навбатии Президенти маҳбуби кишвар натиҷаҳои 5 соли гузашта ва соли 2024 ироа гардид. Паёми навбати аз Паёми солҳои қабли фарқ дошта, тамоми паҳлуҳои самтҳои асосии сиёсати дохилӣ ва хориҷии кишварро дар бар гирифт.
Қобили тазаккур аст, ки Асосгузори сулҳу Ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатиашон, бевосита аз дастовардҳои соҳаҳои хоҷагии халқи кишвар дар даврони Истиқлолияти давлатӣ ёдовар шуданд, ки яке аз он соҳаҳо, соҳаи маориф ва илми ҷумҳурӣ мебошад.
Пешвои миллат бори дигар таъкид намуданд, ки соҳаи маориф ва илм яке аз соҳаҳои афзалиятнок ва аввалиндараҷа дар мади назари Президент ва Ҳукумати Ҷумҳурии Тоҷикистон қарор додард. Дар ин замина ва бо дарназардошти афзоиши табии аҳолӣ Президенти кишвар аз корҳои ба анҷом расонидаи Ҳукумати Ҷумҳурии Тоҷикистон дар даврони Истиқлолияти давлатиро ёдовар гардиданд, ки яке аз онҳо сохта ба истифода додани муассисаҳои нави таълимӣ ва аз таъмири асосӣ баровардани онҳо дар ҳамаи зинаҳои таҳсилот мебошад. Дар баробари ин қайд карданд, ки имрӯз теъдоди муассисаҳои таҳсилоти олии кишвар ва дигар зинаҳои таҳсилот ба маротиб зиёд гардиданд ва дар ҳолати рушд буда, ҷавонони ҷумҳуриро ба таҳсил фаро гирифта истодаанд.
Президенти кишвар аз дастовардҳои соҳаи маориф ва илм ва ҳамзамон аз дастгириҳои Ҳукумати Ҷумҳурии Тоҷикистон ёдовар гардиданд, ки ин ҳам бошад дар даврони соҳибистиқлолии кишвар ба маротиб зиёд кардани музди меҳнати кормандони соҳа мебошад.
Пешвои миллат дар Паёми навбатиашон диққати ҳозирин ва халқи шарафманди кишварро оид ба омӯзиши касбу ҳунар, технологияи иттилотӣ, забондонӣ ва ихтироъкорӣ ҷалб намуданд.
Дар охир бояд ёдовар гардид, ки Паёмҳои ҳамасолаи Пешвои миллат таърихи ва калиди муваффақиятҳои соҳаҳои хоҷагии халқи кишвар ва муносибатҳои хориҷии ҷумҳурӣ бо давлатҳои дуру наздик ва ташкилотҳои байналмилалӣ мебошад.
Сардори шуъбаи баҳодиҳӣ ва мониторинги сифати таҳсилоти Агентии назорат дар соҳаи маориф ва илми назди Президенти Ҷумҳурии Тоҷикистон – Олимзода Шоҳин
Якшанбе, 29 Декабр 2024 16:30
Паём дастурамал барои пешрафт ва рушди соҳаи илму маорифи кишвар!
Паём дастурамал барои пешрафт ва рушди соҳаи илму маорифи кишвар!
Санаи 28.12.2024 Паёми Президенти Ҷумҳурии Тоҷикистон муҳтарам Эмомалӣ Раҳмон дар бораи самтҳои асосии сиёсати дохилӣ ва хориҷии ҷумҳурӣ ироа гардид. Кулли маорифчиёни вилоят дастҷамъона Паёми Президенти Ҷумҳурии Тоҷикистон муҳтарам Эмомалӣ Раҳмон дар бораи самтҳои асосии сиёсати дохилӣ ва хориҷии ҷумҳуриро тавассути воситаҳои ахбори омма тамошо намуданд.
Воқеан Паёми Президенти Ҷумҳурии Тоҷикистон муҳтарам Эмомалӣ Раҳмон дар бораи самтҳои асосии сиёсати дохилӣ ва хориҷии ҷумҳурӣ ҷиҳати баланд бардоштани сатҳи некуаҳволии мардум, тақвияти ҳифзи иҷтимоии аҳолӣ, ҳимояи ҳуқуқу озодиҳои инсон ва шаҳрванд, паст кардани сатҳи камбизоатӣ, инкишофи соҳаҳои гуногуни ҳаёти мамлакат, умуман, дар рушди Тоҷикистони соҳибистиқлол нақши муҳим дорад.
Қобили зикр аст, ки ҳамасола мардуми шарифи Тоҷикистон Паёми Президенти Ҷумҳурии Тоҷикистонро бесаброна интизор мешаванд, зеро хуб дарк менамоянд, ки ҳар як Паём дар худ барои шаҳрвандон башорати нек дошта, онҳоро ба ояндаи дурахшон боз ҳам наздиктар месозад.
Дар ҳамаи муассисаҳои таълимии шаҳру ноҳияҳои вилоят тамошои муташаккилонаи Паёми Президенти Ҷумҳурии Тоҷикистон ташкил карда шуд.
Президенти Ҷумҳурии Тоҷикистон, Ҷаноби Олӣ муҳтарам Эмомалӣ Раҳмон таъкид намуданд, ки соли ҷорӣ мардуми шарафманди Тоҷикистон 30-юмин солгарди қабули нахустин Конститутсияи давлати соҳибистиқлоли худро бо ифтихору шукргузорӣ аз соҳибватаниву соҳибдавлатӣ таҷлил намуданд.
Президенти мамлакат муҳтарам Эмомалӣ Раҳмон дар ҳар як Паёмашон ба Маҷлиси Олӣ баҳри баланд бардоштани сатҳи зиндагии мардум ва дар амал татбиқ намудани сиёсати иҷтимоии давлат тадбирҳои судманд андешида, дар ин самт ба Ҳукумати кишвар, вазорату идораҳо ва дигар мақомоти дахлдори давлатӣ дастуру супоришҳои қатъӣ медиҳанд.
Дар паёмҳои Президенти Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» иқдоми хубе ба роҳ монда шудааст, ки дар заминаи дастуру супоришҳое, ки аз паёмҳои Президенти мамлакат бармеоянд, музди меҳнати кормандони соҳаҳои буҷетӣ, андозаи нафақа ва стипендияҳо зиёд карда мешаванд.
Чунончӣ, қайд гардид дар панҷ соли охир маоши вазифавии кормандони соҳаҳои буҷетӣ чор маротиба (солҳои 2020, 2022, 2023, 2024) ва дар маҷмуъ, ба андозаи 100 фоиз зиёд карда шуд.
Президенти кишвар муҳтарам Эмомалӣ Раҳмон дар Паёми навбатиашон ба Маҷлиси Олӣ аз 28-уми декабри соли 2024 низ масъалаи баланд бардоштани музди меҳнат, андозаи нафақа ва стипендияҳоро ба миён гузошта, ҷиҳати идома додани ғамхории давлат ва Ҳукумати мамлакат ба мардуми кишвар, боз ҳам баланд бардоштани сатҳи некуаҳволии сокинон ва тақвият бахшидани ҳифзи иҷтимоии аҳолӣ чунин супориш доданд:
Дар Паёми имсола қайд гардид, ки бо мақсади боз ҳам беҳтар намудани сатҳи некуаҳволии мардуми кишвар ва тақвият бахшидани ҳифзи иҷтимоии аҳолӣ, аз 1-уми сентябри соли 2025 маоши вазифавии кормандони муассисаҳои томактабӣ ва таҳсилоти миёнаи умумии соҳаи маориф 30 фоиз зиёд карда мешавад, ҳамчунин маоши вазифавии кормандони дигар муассисаҳои соҳаи маориф, соҳаҳои илм, фарҳанг, варзиш, тандурустӣ, муассисаҳои соҳаи ҳифзи иҷтимоӣ, мақомоти ҳокимият ва идоракунии давлатӣ ва дигар муассисаҳои буҷетӣ, инчунин, стипендияҳо 20 фоиз зиёд гардида, музди меҳнати амалкунандаи кормандони мақомоти ҳифзи ҳуқуқ, хизматчиёни ҳарбӣ ва дигар кормандони ин мақомот 20 фоиз зиёд карда мешаванд.
Мавриди ёдоварист, ки Сарвари давлат дар Паёмашон ба Маҷлиси Олӣ қайд намуданд, ки дар панҷ соли оянда бо истифода аз ҳамаи сарчашмаҳои маблағгузорӣ ва бо дарназардошти ҳадафи гузошташуда барои фарогирии 50 фоизи кӯдакони синну соли томактабӣ бунёди 800 муассисаи таҳсилоти томактабӣ ва беш аз 1000 муассисаи таҳсилоти умумиро амалӣ карда мешавад.
Зимни Паём роҳбарони вилоятҳо ва шаҳру ноҳияҳо, ҷиҳати андешидани тадбирҳои зарурӣ барои дар панҷ соли оянда, бо дарназардошти афзоиши аҳолӣ, барои дар ҳар як маҳалли аҳолинишин, ки 100 оила зиндагӣ мекунад, ҳатман бунёд кардани як муассисаи томактабӣ, муваззаф гардиданд.
Ҳамчуни гуфта шуд, ки имрӯз дар соҳаи маорифи мамлакат ҳашт барномаи давлатӣ ва ду стратегияи дарозмуддат татбиқ шуда истодааст, ки ба рушду инкишофи таълиму тарбия, амалигардонии ислоҳоти соҳа, дастгирии мактабу омӯзгор, таълифи китобҳои дарсии насли нав ва такмили мазмуну мундариҷаи таҳсилот мусоидат менамояд.
Сарвари муаззами давлат қайд намуданд, ки тайи солҳои соҳибистиқлолӣ дар кишвар 3670 муассисаи нави таҳсилоти миёнаи умумӣ, 262 муассисаи томактабӣ ва 35 муассисаи таҳсилоти олии касбӣ сохта, ба истифода дода шуд, агар соли 1991 дар Тоҷикистон 3229 муассисаи таҳсилоти умумӣ бо 1,3 миллион нафар хонанда фаъолият дошта бошад, пас имрӯз 4037 муассиса, аз ҷумла 170 литсею гимназия, яъне муассисаҳои таълимии типи нав фаъолият менамоянд.
Дар Паём қайд шуд, ки шумораи умумии хонандагони онҳо беш аз 2 миллиону 300 ҳазор нафарро ташкил медиҳад, соли 1991 дар кишвар ҳамагӣ 13 муассисаи таҳсилоти олии касбӣ бо 69 ҳазор донишҷӯ фаъолият мекард, ҳоло шумораи ин муассисаҳо ба 48 ва донишҷӯёни онҳо ба зиёда аз 214 ҳазор нафар расидааст.
Дар баромади худ Сарвари муаззам дуруст қайд карданд, ки омӯзиши забонҳои хориҷӣ аз зинаи таҳсилоти томактабӣ ба роҳ монда шавад ва ба ниҳодҳои дахлдор ҷиҳати таҷдиди назар кардани стандартҳо ва нақшаву барномаҳои таълимӣ, ворид намудани воҳидҳои нави кории омӯзгорони забонҳои хориҷӣ, таҳияи маводи муосири таълимӣ, истифодаи босамари технологияҳои рақамӣ, усулҳои навини омӯзиши забон ва такмили маҳорати касбии омӯзгорон вазифагузорӣ намуданд.
Зимни Паём Сарвари давлат воқеъбинона қайд намуданд, ки ҳамаи пешравию пирӯзии ҳар як давлат ва ҷомеаро мактабу маориф ва илму дониш таъмин мекунад, сабаби асосии бадбахтии ҳар як миллат ва давлат эътибор надодан ба сифати мактабу маориф, саҳлангорӣ кардан ба тарбияи кӯдак аз хурдсолӣ ва фароҳам наовардани муҳити мусоид барои таълиму тарбия мебошад, яъне то вақте, ки тамоми ҷомеа ба мактаб ва низоми маориф рӯй наоварад, миллат дастнигар, хору зор, таҳқиргашта ва афроди он моил ба ҳама гуна ҷиноятҳои сангину пешгӯйинашаванда боқӣ хоҳанд монд.
Аз оғози даврони соҳибистиқлолӣ то имрӯз масъалаҳои мактабу маориф ва омӯзгору хонанда таҳти таваҷҷуҳу ғамхории аввалиндараҷаи Ҳукумати мамлакат қарор дошта, раванди ислоҳоти соҳаи маориф ва таҷдиду навсозӣ дар ҳама самтҳои он бомаром идома дорад.
Мудири маорифи шаҳри Хуҷанд доир ба пешниҳодҳои сарвари давлат доир ба вусъат бахшидан ба равандҳои инноватсионӣ ва истифодаи ҳамаҷонибаи имкониятҳои технологияҳои рақамӣ дар иқтисодиёт ва эълон шудани солҳои 2025 – 2030 «Солҳои рушди иқтисоди рақамӣ ва инноватсия» изҳори хушнудӣ намуданд.
Мудирони маорифи шаҳрҳои Истаравшан ва Конибодом оид ба суханони Президенти Ҷумҳурии Тоҷикистон, Ҷаноби Олӣ муҳтарам Эмомалӣ Раҳмон, дар бораи аз моҳи майи соли 2027-ум аз ҳисоби истеҳсоли неруи барқ дар «Роғун» ва силсилаи неругоҳҳои дарёи Вахш норасоии неруи барқ дар кишвар пурра бартараф ва Тоҷикистон ба истиқлоли комили энергетикӣ ноил гардидан, бозтоб шудани ояндаи аз ин ҳам дурахшони кишвари азизамонро, баён доштанд.
Дар ноҳияи Спитамен санаи 28.10.2024, соати 10:00 тамошои дастаҷамъонаи Паёми Президенти Ҷумҳурии Тоҷикистон муҳтарам Эмомалӣ Раҳмон дар бораи самтҳои асосии сиёсати дохилӣ ва хориҷии ҷумҳурӣ гузаронида шуд. Пас аз анҷоми ироаи Паём мудири маориф доир ба масъалаҳои муҳими Паём ибрози назар намуд.
Мудири маорифи ноҳияи Ашт вобаста ба 30 фоиз зиёд гардидани маоши вазифавии кормандони муассисаҳои томактабӣ ва таҳсилоти миёнаи умумии соҳаи маориф андеша намуд.
Мудири маорифи шаҳри Гулистон доир ба зинаи таҳсилоти томактабӣ, бо дарназардошти афзоиши аҳолӣ, барои дар ҳар як маҳалли аҳолинишин, ки 100 оила зиндагӣ мекунад, ҳатман бунёд кардани як муассисаи томактабӣ ибрози назар кард.
Дар маҷмӯъ, аҳли маорифи вилоят бо як ҷаҳон меҳру муҳаббат Паёми навбатии Президенти Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» пазируфтанд.
Паёми навбатии Президенти Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» ҷиҳати ҳимояи ҳуқуқу озодиҳои инсон ва шаҳрванд, беҳтар шудани сатҳу сифати зиндагии мардум, фароҳамсозии шароит барои рӯзгори осуда ва босаодати халқ нигаронда шудааст.
Ҳамаи кормандони соҳаи маориф тамоми нерӯи зеҳнию ақлониро барои амалисозии дастурҳои Роҳбари давлат, ки санаи 28.12.2024 зимни ироаи Паёми навбатии Президенти Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» баён доштанд, равона хоҳанд кард.
Сардори раёсати Агентии назорат дар соҳаи маориф ва илми назди Президенти Ҷумҳурии Тоҷикистон дар вилояти Суғд – Ҷаҳонгир Салимзода
Якшанбе, 29 Декабр 2024 16:27
Таассуротҳо аз Паёми Президенти Ҷумҳурии Тоҷикистон муҳтарам, Эмомалӣ Раҳмон «Дар бораи самтҳои асосии сиёсати дохилӣ ва хориҷии ҷумҳурӣ»
Таассуротҳо аз Паёми Президенти Ҷумҳурии Тоҷикистон муҳтарам, Эмомалӣ Раҳмон «Дар бораи самтҳои асосии сиёсати дохилӣ ва хориҷии ҷумҳурӣ», ки 28.12.2024 ба Маҷлиси Олии Ҷумҳурии Тоҷикистон ироа намуданд.
Санаи 28 декабри соли равон чун анъана Паёми навбатии Президенти Ҷумҳурии Тоҷикистон муҳтарам Эмомалӣ Раҳмон «Дар бораи самтҳои асосии сиёсати дохилӣ ва хориҷии ҷумҳурӣ» ба Маҷлиси Олии Ҷумҳурии Тоҷикистон ироа гардид ва мо- аҳли кормандони шуъбаи Агентии назорат дар соҳаи маориф ва илми назди Президенти Ҷумҳурии Тоҷикистон дар минтақаи Ҳисор тавассути оинаи нилгун онро тамошо кардем.
Паёми навбатӣ дар толори боҳашамат ва зебои бинои нави Парлумони Тоҷикистон, таҳти раёсати Президенти Ҷумҳурии Тоҷикистон, Пешвои муаззами миллат, бо иштироки раёсат ва аъзои Маҷлиси миллӣ ва вакилони Маҷлиси намояндагони Маҷлиси Олии Ҷумҳурии Тоҷикистон, Сарвазир ва аъзои Ҳукумати мамлакат, Роҳбари Дастгоҳи иҷроияи Президенти Ҷумҳурии Тоҷикистон, роҳбарияти вазорату кумитаҳои давлатӣ, идораҳои назди Президент ва Ҳукумат, мақомоти марказии судӣ ва дигар ниҳодҳои ҳифзи ҳуқуқу тартибот, Академияи миллии илмҳо, муассисаҳои олии таълимӣ, раисони вилоятҳо ва шаҳру ноҳияҳо, роҳбарони марказҳои татбиқи лоиҳаҳои сармоягузорӣ, собиқ вакилони Иҷлосияи 16 Шурои Олии Ҷумҳурии Тоҷикистон, аъзои шурои ҷамъиятӣ, ҳаракати Ваҳдати миллӣ ва эҳёи Тоҷикистон, вакилони якчанд иттиҳодиҳои ҷамъиятӣ, сиёсӣ ва эҷодӣ, роҳбарияти корхонаю муассисаҳои ҷумҳуриявӣ, бонкҳо, доираи тоҷирону соҳибкорон ва ҷавонони ташаббускор, намояндагони ҳайати дипломатӣ ва воситаҳои ахбори омма баргузор гардид.
Чун ҳарвақта рушди соҳаи маориф ва илм ҳамчун соҳаи афзалиятнок дар Паёми Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон таҳти таваҷҷуҳи хоса қарор дода шуда, насли наврасу ҷавон ҳамчун захираи тиллоӣ ва ояндасози миллат арҷгузорӣ мегарданд.
Зимни таҳлили вазъи соҳаи маориф Пешвои миллат дар Паёми имсола кормандону масъулини мактабу маориф, волидайн ва аҳли ҷомеаро барои тарбияи сазовори насли ояндасоз ҳидоят намуданд ва мактабро ба ҳайси боргоҳи илму маърифат ва омӯзгорро чун шахси мафкурасозу тарбиятгари насли наврас арзёбӣ карданд.
Пешвои муаззами миллат арҷу эҳтиром гузоштан ба омӯзгорро аз ҷумлаи масъалаҳои муҳимтарин дар ин самт таъкид дошта, қайд намуданд, ки аз 1-уми сентябри соли 2025 маоши вазифавии кормандони муассисаҳои томактабӣ ва омӯзгорони муассисаҳои таҳсилоти умумӣ 30% зиёл карда шавад.
Инчунин роҳбари давлат иброз доштанд, ки заминаи пешравию пирӯзии ҳар як давлат ва ҷомеаро мактабу маориф ва илму дониш таъмин мекунад.
Пешвои муаззами миллат ҳамзамон ироа намуданд, ки сабаби асосии бадбахтии ҳар як миллат ва давлат эътибор надодан ба мактабу маориф ва саҳлангорӣ ба тарбияи кӯдак дар хурдсолӣ ва фароҳам наовардани муҳити мусоид барои таълиму тарбият мебошад. Яъне, то вақте тамоми ҷомеа ба мактаб ва низоми маориф рӯй наорад, дастнигар, хору зор, таҳқиргашта ва афроди он моил ба ҷиноятҳою корҳои пешгӯинашаванда хоҳанд буд.
Бо мақсади иҷрои барномаи давлатии соҳаи томактабӣ Пешвои миллат роҳбарони вилоятҳо ва шаҳру ноҳияҳоро вазифадор намуд, ки дар панҷ соли оянда бо назардошти афзоиши аҳолӣ барои дар ҳар як маҳали аҳолинишин, ки 100 оила зиндагӣ мекунанд, ҳатман бунёд кардани як муассисаи томактабӣ ба нақша гирифта шавад.
Ҳадафи роҳбари давлат аз ин ташаббусҳо баланд бардоштани сатҳи саводу маърифатнокии мардум ва дар навбати аввал наврасону ҷавонон, тақвияти ҳисси миллӣ, ватандӯстиву ватанпарварӣ, ҳуввияти миллӣ, арҷгузорӣ ва омӯхтани забон, таърих, фарҳаги бостонии тоҷикон ва тавсияи доираи донишу ҷаҳонбинии наврасону ҷавонон дар кишвар мебошад.
Ин суханони сарвари давлат моро водор месозад, ки ба мақсади ояндаи дурахшони давлату миллат ба масъалаҳои таълим додану маърифатнок кардани хонандагони ҳамаи зинаҳои таҳсилот якҷоя бо волидайн ва мақомоти масъули давлатӣ саъю кӯшиши зиёд ба харҷ диҳем. Тибқи унсурҳои Консепсияи миллии тарбия, ки ҳамчун санади беҳтарини раҳнамунсоз барои тарбияи насли наврас ва ҷавонон ба шумор рафта, ин самт бояд дар мадди назари ҳамагон қарор дода шавад. Тарбияи миллӣ дар шаҳрванд сифатҳои баланди ахлоқӣ, ҳуввияти миллӣ, инсондӯстӣ, озодандешӣ, ташаббускорӣ ва амсоли онро ташаккул медиҳад ва ин ҳидоятҳои сарвари давлат моро водор месозад, ки ҷиҳати амалӣ намудани нуктаҳои Паём назоратро дар самти иҷрои вазифаҳои хизматӣ пурзӯр намоем.
Таъкид кардан бамаврид аст, ки ҳамаи нуктаҳои дар Паём ироагардида ба манфиати мардуми кишвари азизамон буда, ба ҳарчи зудтар амалӣ гардонидани ҳадафи олии ҳукумат-ноил шудан ба таъмини зиндагии шоистаи ҳар як сокини мамлакат нигаронида шудааст.
Хулоса, нуктаҳое, ки дар Паём зикр гардиданд, собитгари онанд, ки Паёми солона дар назарияи сиёсӣ ва амалияи давлатдорӣ паёмест, ки ҳам аз назари маънову ҷойгоҳ ва ҳам аз назари мазмуну таъинот падидаи муҳими сиёсӣ ва ҳуҷҷати муҳими муайянкунандаи давлатӣ ҳисоб шуда, аҳамияти махсуси сиёсию давлатӣ, дипломатию байналмилалӣ ва идориву коргузорӣ дорад.
Тағдиров Тағдиршо-сардори шуъбаи Агентии назорат дар соҳаи маориф ва илми назди Президенти Ҷумҳурии Тоҷикистон дар минтақаи Ҳисор
Якшанбе, 29 Декабр 2024 11:14
Суратгузориш аз рафти тамошои дастаҷамъонаи Паёми Президенти Ҷумҳурии Тоҷикистон
Суратгузориш аз рафти тамошои дастаҷамъонаи Паёми Президенти Ҷумҳурии Тоҷикистон муҳтарам Эмомалӣ Раҳмон «Дар бораи самтҳои асосии сиёсати дохилӣ ва хориҷи кишвар», ки имрӯз 28 декабри соли 2024 дар бинои нави Парлумони кишвар ироа гардид.
Душанбе, 25 Ноябр 2024 14:34
БАРГУЗОРИИ КОНФЕРЕНСИЯИ ИЛМӢ-АМАЛӢ ДАР МАВЗУИ «ПАРЧАМИ ДАВЛАТӢ – ИФТИХОРИ МОСТ»
БАРГУЗОРИИ КОНФЕРЕНСИЯИ ИЛМӢ-АМАЛӢ ДАР МАВЗУИ «ПАРЧАМИ ДАВЛАТӢ – ИФТИХОРИ МОСТ»
24 ноябри соли равон бахшида ба Рӯзи Парчами давлатии Ҷумҳурии Тоҷикистон Агентии назорат дар соҳаи маориф ва илми назди Президенти Ҷумҳурии Тоҷикистон дар толори Муассисаи давлатии таълимии «Коллеҷи тиббии ҷумҳуриявӣ» бо иштироки кормандони дастгоҳи марказӣ ва воҳидҳои сохтории Агентии назорат дар соҳаи маориф ва илми назди Президенти Ҷумҳурии Тоҷикистон, намояндагони вазорату идораҳо, муассисаҳои таълимӣ, роҳбарият, омӯзгорон ва донишҷӯёни Муассисаи давлатии таълимии «Коллеҷи тиббии ҷумҳуриявӣ» Конференсияи илмӣ-амалиро дар мавзуи «Парчами давлатӣ – ифтихори мост» бахшида ба Рӯзи Парчами давлатии Ҷумҳурии Тоҷикистон баргузор намуд.
Конференсия бо садо додани суруди миллӣ оғоз гардида, муҳтарам директори Агентии назорат дар соҳаи маориф ва илми назди Президенти Ҷумҳурии Тоҷикистон Саидзода Муҳаммадтоҳир Саид ҳайати меҳмонону кормандонро бахшида ба Рӯзи Парчами давлатии Ҷумҳурии Тоҷикистон табрик намуда, Парчамро рамзи давлату давлатдорӣ, бахту саодат, сарсабзию хуррамӣ ва сарбаландии миллату давлати тоҷикон унвон намуда, иброз дошт, ки Парчами давлатӣ мақсаду ҳадафҳои созандаи ин миллати тамаддунофарро дар баландтарин минбару қасрҳои минтақавию байналхалқӣ ҷилвагар менамояд, ки ин боиси ифтихори мо мебошад. Имрӯз Парчами давлатии Ҷумҳурии Тоҷикистон чун рамзи ин кишвари соҳибистиқлол дар Тоҷикистон ва дигар ақсои олам парафшонӣ мекунад ва ба оламиён аз мавҷудияти давлати тозаистиқлоле бо номи Ҷумҳурии Тоҷикистон мужда медиҳад.
Дар кори конференсия сардори раёсати ташкили кори судҳо ва баррасии муроҷиатҳои Суди Олии иқтисодии Ҷумҳурии Тоҷикистон дар мавзуи «Парчами давлатӣ – рамзи шинохти асолати миллӣ», мудири кафедраи таърихнигорӣ ва архившиносии Донишгоҳи миллии Тоҷикистон - Шарофуддинов Суҳроб Саломович дар мавзуи «Парчами давлатӣ – рамзи давлатдорӣ ва ифтихори миллӣ», сардори раёсати илм ва инноватсияи Академияи идоракунии давлатии назди Президенти Ҷумҳурии Тоҷикистон – Ҷобиров Раҷабалӣ Фатҳуллоевич дар мавзуи «Ҷойгоҳи Парчам дар давлатдории тоҷикон», директори Муассисаи давлатии таълимии «Коллеҷи омӯзгории ба номи Хосият Махсумоваи Донишгоҳи омӯзгории Тоҷикистон ба номи Садриддин Айнӣ – Ғафурӣ Зоир Саъдулло дар мавзуи Парчами давлатӣ – рамзи иттиҳоду сарҷамъии миллати тоҷик» ва сардори раёсати назорати давлатии муассисаҳои таҳсилоти ибтидоӣ, миёнаи касбӣ ва таълими калонсолони Агентии назорат дар соҳаи маориф ва илми назди Президенти Ҷумҳурии Тоҷикистон – Сафарзода Сафармад Саид дар мавзуи «Парчами давлатӣ – дастоварди бузурги Истиқлолияти давлатӣ, иштирок ва маърӯза намуданд.
Дар қисмати дуюми конференсия дастаи ҳаваскорони «Шифобахш»-и Муассисаи давлатии таълимии «Коллеҷи тиббии ҷумҳуриявӣ» суруду таронаҳои ифодакунандаи Парҷами давлатӣ рамзи давлатдорӣ ва ифтихори миллӣ ва шинохти асолати миллиро пешкаши ҳозирин гардониданд.
Шанбе, 07 Сентябр 2024 05:17
ДАРСИ СУЛҲ ДАР ДАВРОНИ ИСТИҚЛОЛ
ДАРСИ СУЛҲ ДАР ДАВРОНИ ИСТИҚЛОЛ
Истиқлолият дастоварди беназирест, ки ҳар халқу миллат барои ба даст овардани он аз роҳҳои муносиб, мубориза бурдан, ва садоқат ба халқу миллату ватансозӣ истифода карда, шаҳрвандони он барои устувор пойдор мондани ин неъмати бузург талош меварзанд. Нуктаи муҳим дар мубориза барои озодихоҳӣ ин доштани роҳбари хирадманд аст, ки миллатро муттаҳид сохта, сарҷамъиро пойдор мегардонад. Тавассути роҳнамоӣ ва дастури оқилонаи маҳз чунин пешвои соҳибмаърифат халқу миллат дар таърих арзи вуҷуд намуда, дар рушди тамаддун нақши худро боқӣ мегузорад.
Дар ин радиф, Ҷумҳурии Тоҷикистон 9-уми сентябри соли 1991 Истиқлолияти давлатии худро ба даст овард. Барои пойдории ин неъмат ва таъмини фазои сулҳу субот дар кишвар ҷонбозиву роҳнамоиҳои Сарвари хирадманд – Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бениҳоят бузург аст, ки мо 33 сол инҷониб аз меваҳои шаҳдбори Истиқлолият мечашему аз дастовардҳои он меболем.
Аз ҷумлаи онҳое, ки барои пойдории Истиқлолияти давлатӣ ва тарбияи насли созандаи даврон саҳми беназир доранд, маҳз омӯзгорон - равшангарони роҳи фардо ва насли ояндаи башарият мебошанд. Ин аст, ки аз солҳои аввали соҳибистиқлолӣ таваҷҷуҳи давлату ҳукумат, хоса Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба тарбиядиҳандагони оянда амиқу бузург буда, ҳамасола Рӯзи дониш ва Дарси сулҳ маҳз бо иштироки бевоситаи Сарвари давлат муҳтарам Эмомалӣ Раҳмон баргузор мегардад, ки нишонаи олии қадршиносӣ аст.
Дарси сулҳу Рӯзи дониш ва Истиқлолияти давлатии Тоҷикистон аз ҷумлаи чорабиниҳоеанд, ки дорои мазмун ва аҳаммияти муҳиму арзанда мебошанд. Дар ин асно, ҳамчун анъанаи хубу хирадмандона, ҳамасола 1-уми сентябр дар яке аз муассисаҳои таълимии кишвар Рӯзи дониш ва Дарси сулҳ баргузор мегардад. Бо омадани ин санаи муборак Президенти муҳтарами мамлакат оғози соли нави таҳсилро ба тамоми сокинони Ватани азизамон табрику таҳният гуфта, дар оғози соли нави таҳсил пурарзиш будани неъмати сулҳро бори дигар ба ҳамаи сокинони кишвар хотиррасон менамоянд.
Дар замоне, ки бархӯрди тамаддунҳо дар дунё босуръат авҷ мегираду низоъҳои дохилӣ кишварҳоро ба коми ҷангу ҷидолҳо фурӯ мебарад, неъмати сулҳу Истиқлол дигарбора барои мардуми осоишта азиз мешавад, зеро дар дунё, ҳеҷ неъмате беҳтар аз ваҳдату озодӣ ва Истиқлолу осоиштагӣ нест.
Сарвари давлат муҳтарам Эмомалӣ Раҳмон зимни таҷлили Рӯзи дониш дар соли соли 2021 барҳақ гуфта буданд, ки “Мо – мардуми тоҷик, ба қадри сулҳу оромӣ ва зиндагии осоишта мерасем, онро неъмати бузург медонем, зеро мардуми Тоҷикистон ҳаёти осударо бо баҳои ниҳоят гарон ба даст овардаанд”.
Дар ин росто Президенти кишвар таъкид карданд, ки зарур аст фарҳанги сулҳу оромӣ, ваҳдати миллӣ ва амнияту осоиштагиро ба фарзандони худ омӯзонем ва онҳоро дар рӯҳияи хештаншиносиву ватандӯстӣ ва инсонпарварӣ тарбия намоем. Фалсафа ва моҳияти Дарси сулҳ ҳам, ки бо иштироки Пешвои миллат муҳтарам Эмомалӣ Раҳмон ҳамасола доир шуда, дар он вазъи соҳаи маориф баррасӣ мешавад, маҳз дар ҳамин аст.
Дар воқеъ, Дарси сулҳ насли наврасу ҷавонро ба илмомӯзӣ, дӯст доштани зиндагӣ, эҳтироми якдигар ва тарғиби сулҳу суббот даъват менамояд. Дар ҳар як Дарси сулҳ Президенти мамлакат аз дастоварду пешравиҳо, натиҷаҳои ислоҳоту навсозӣ, татбиқи консепсияву барномаҳои давлатӣ, сатҳи донишу малакаи донишҷӯёни муассисаҳои таълимии соҳа, мушкилоти дар низоми иҷтимоии аҳолӣ мавҷуда ва бурду бохти соҳаи илму маориф ҳамчун самти ояндасози давлат ва ҳалли масъалаҳои соҳа ёдовар шуда, насли ҷавонро ба илмомӯзӣ ва омӯзгоронро ба тарбияи дурусти насли ҷавону наврас ҳидоят менамоянд.
Таваҷҷуҳ ба сулҳу оромӣ дар оғози соли нави таҳсил аз ҷониби роҳбарияти давлату Ҳукумат, ҳар яки моро водор месозад, ки доир ба моҳияти сулҳ, аҳаммияти суботу оромӣ ва ваҳдати миллӣ дар шароити мураккабу зудтағйирёбандаи ҷаҳон бори дигар андеша кунем, зеро масъалаи сулҳ дар ҳамаи давру замонҳо, бахусус, дар шароити ниҳоят мураккаби ҷаҳони имрӯз аз ҷумлаи масоили ниҳоят муҳим буда, ҳифзи он шарти асосии пойдории ҳар як давлат ва дар маҷмӯъ, амнияту осудагии ҷомеаи башарӣ мебошад.
Ҳамин тариқ, Рӯзи дониш дар Тоҷикистони соҳибистиқлоли ҳамчун санаи бузургдошти маърифату дониш истиқбол гирифта мешавад, чунки дар ҷаҳони муосир илму дониш ба сифати яке аз сарчашмаҳои пешрафти ҷомеа аҳамияти торафт афзоянда пайдо карда истодааст. Аз ин рӯ, ҳаёт ва пешрафти ҷаҳони муосир тақозо менамояд, ки ҳар як инсон бояд соҳиби маърифат ва касбу ҳунар бошад ва ин амр танҳо бо роҳи фарогирии дониш ва омӯзиши пайваста муяссар мегардад.
Илму дониш барои халқи тоҷик аз қадим мақоми хос дошт ва мардуми бофазлу ҳунари тоҷик ба ин манбаи маърифат ҳамеша арҷ мегузоштанд. Ҳар яки мо низ бояд суннатҳои неки гузаштагонамонро эҳтиром намоем, аз усулҳои муосири таълиму тарбия истифода кунем, доираи донишу маърифат ва камолоти маънавии насли навраси кишварамонро тавсеа бахшем, дар зеҳни онҳо эҳтиром гузоштан ба муқаддасот ва рукнҳои давлатдориро ҷой диҳем ва онҳоро дар рӯҳияи ватандӯстиву ҳисси баланди миллӣ ва худогоҳиву худшиносӣ ба воя расонем.
Нуриддин НАМОЗОВ,
Корманди Агнетии назорат дар соҳаи маориф
ва илми назди Президенти Ҷумҳурии Тоҷикистон
Шанбе, 07 Сентябр 2024 05:13
ТАҶЛИЛИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН
ТАҶЛИЛИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН
6-уми сентябри соли ҷорӣ бо ташаббуси Агентии назорат дар соҳаи маориф ва илми назди Президенти Ҷумҳурии Тоҷикистон дар якҷоягӣ бо муассисаи давлатии таълимии «Коллеҷи омӯзгории ба номи Хосият Махсумова»-и Донишгоҳи давлатии омӯзгории Тоҷикистон ба номи С.Айнӣ конфренсияи илмӣ-назариявӣ бахшида ба ҷашни Истиқлоли давлатии Ҷумҳурии Тоҷикистон баргузор гардид, ки дар он Муҳаммадтоир Саидзода – директори Агентии назорат дар соҳаи маориф ва илм, муовин, сардорони раёсату шуъбаҳои дастгоҳи марказӣ ва минтақавӣ, намояндаи Академияи идоракунии давлатии назди Президенти Ҷумҳурии Тољикистон Ализода Баҳриддин, роҳбарият ва кормандони коллеви номбурда, иштирок намуданд.
Зимни сухани ифтитоҳӣ Муҳаммадтоир Саидзода ҳозиринро бо ҷашни истиқлолияти давлатӣ табрик намуда, вобаста ба дастовардҳои даврони Истиқлолият дар самтҳои маорифу илм, иқтисодиёту иҷтимоиёт, фарҳангу кишоварзӣ ва саҳми бузурги хизатҳои шабонарӯзӣ ва талошҳои бесобиқаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар ба даст овардани Истиқлолият маъруза ироа намуданд.
Дар идома директори муассисаи давлатии таълимии «Коллеҷи омӯзгории ба номи Хосият Махсумова»-и Донишгоҳи давлатии омӯзгории Тоҷикистон ба номи С.Айнӣ, намояндаи Академияи идоракунии давлатии назди Президенти Ҷумҳурии Тоҷикистон Ализода Баҳриддин, кормандони Агентїӣ дар самти дастовардҳои мамлакат дар 33 соли соҳибистиқлолии мамлакат маърузаҳо пешниҳоди иштирокдорони конференсияи мазкур гардонида шуд.
Дар анҷоми ҷаласа ба якчанд нафар кормандони фаъоли Агентии ва директори коллеҷ аз ҷониби роҳбарияти Агентӣ барои саҳми арзанда гузоштан дар рушди соҳаи маориф ва илм бахшида ба 33-солагии Истиқлоли давлатии Ҷумҳурии Тоҷикистон ифтихорнома ва сипосномаҳо тақдим карда шуд.
Муфассал...
Шанбе, 07 Сентябр 2024 05:00
САРФАРОЗГАРДОНИИ МУКОФОТИ ДАВЛАТӢ
Имрӯз дар Агентии назорат дар соҳаи маориф ва илми назди Президенти Ҷумҳурии Тоҷикистон дар арафаи Ҷашни 33 – солагии Истиқлоли давлатӣ, дар фазои тантанавӣ мушовири директори Агентӣ Таваров Икромиддин бо медали «Хизмати шоиста» дар асоси фармони Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон қадрдонӣ карда шуд.
Ҷумъа, 12 Июл 2024 04:01
Ҷамъбастӣ фаъолияти кории Агентии назорат дар соҳаи маориф ва илми назди Президенти Ҷумҳурии Тоҷикистон дар шаш моҳи соли 2024
10-уми июли соли 2024 дар маҷлисгоҳи Муассисаи давлатии таълимии “Литсейи Умари Хайëм” ҷаласаи навбатии ҳайати мушовараи Агентии назорат дар соҳаи маориф ва илми назди Президенти Ҷумҳурии Тоҷикистон таҳти раёсати раиси ҷаласаи ҳайати мушовара – директори Агентӣ Саидзода М. Бо иштироки аъзои ҳайати мушовара, сардорон ва кормандони раёсату шуъбаҳои Агентӣ, намояндаи Дастгоҳи иҷроияи Президенти Ҷумҳурии Тоҷикистон, намояндаҳои Вазорату идораҳои дахлдор, раиси Шурои ректорон ва директорони муассисаҳои таҳсилоти олӣ, миёна, ибтидоии касбӣ, сардорону мудирони раёсату шуъбаҳои маорифи вилоят ва шаҳру ноҳияҳои Душанбе, роҳбарони як қатор муассисиаҳои таълимие, ки дар нимсолаи якуми соли 2024 аз аттестатсияи давлатӣ гузаронида шуда буданд, баргузор гардид.
Зимни ифтитоҳи ҷаласа Саидзода М.С. ҳозиринро ба рӯзномаи ҷаласа шинос намуда, қайд кард, ки дар доираи дастуру супоришҳои Асосгузори сулҳу ваҳдати миллӣ – Пешвои миллат, Президенти кишвар муҳтарам Эмомалӣ Раҳмон кормандони соҳаи маориф ва илми кишварро мебояд барои рушди соҳа, ҷиҳати амалигардонии стратегия ва барномаҳои давлатӣ ва беҳтар намудани сифати таҳсилот саъю кӯшиши зиёд ба харҷ диҳанд.
Дар ҷаласаи ҳайати мушовара асосан 2 масъала, “Ҳисобот оид ба фаъолияти Агентии назорат дар соҳаи маориф ва илми Ҷумҳурии Тоҷикистон дар нимсолаи якуми соли 2024 ва вазифаҳо барои фаъолияти минбаъда” ва “Тасдиқи нақшаи кори Агентии назорат дар соҳаи маориф ва илми Ҷумҳурии Тоҷикистон барои нимсолаи дуюми соли 2024” мавриди баррасӣ ва муҳокима қарор дода шуд.
Директори Агентӣ Саидзода Муҳаммадтоир Саид оид ба фаъолияти Агентии назорат дар соҳаи маориф ва илми Ҷумҳурии Тоҷикистон дар нимсолаи якуми соли 2024 ва вазифаҳо барои давраҳои минбаъда маърўзаи пурмўҳтаво намуданд, ки он аз ҷиҳати таҳлилӣ тамоми паҳлуҳои фаъолият, ваколату вазифаҳои Агентиро ҷиҳати муайян намудани мушкилот ва нишон додани роҳи ҳалли онҳо дар бар гирифт.
Дар музокира вобаста ба масъалаи мазкур Мирзобеков Азорабек – сардори раёсати Агентии назорат дар соҳаи маориф ва илми назди Президенти Ҷумҳурии Тоҷикистон дар ВМКБ, Тағдиров Тағдиршо –сардори шуъбаи Агентӣ дар минтақаи Ҳисор, Давлатов Суҳроб – муовини сардори раёсати Агентӣ дар шаҳри Душанбе, Ниёзӣ Сироҷиддин – сардори раёсати илм ва инноватсияи Вазорати маориф ва илми Ҷумҳурии Тоҷикистон ва дар ҷамъбаст намояндаи Дастгоҳи иҷроияи Президенти Ҷумҳурии Тоҷикистон Шарифзода Саъдӣ ҳисоботи директори Агентиро дар маҷмуъ қаноатбахш арзёбӣ намуданд.
Дар робита ба ин, намояндаи Дастгоҳи иҷроияи Президенти Ҷумҳурии Тоҷикистон Шарифзода Саъдӣ ҷиҳати боз ҳам беҳтар ба роҳ мондани фаъолият дастуру супоришҳои мушаххас доданд.
Аз натиҷаи ҷаласа аз ҷониби ҳайти мушовара қарорҳои дахлдор роҷеъ ба масоили муҳокимашуда қабул гардид.
Сешанбе, 18 Июн 2024 13:05
Кӯмак ба ниёзмандон аз ҷониби Агентии назорат дар соҳаи маориф ва илми назди Президенти Ҷумҳурии Тоҷикистон
Аз ҷониби Агентии назорат дар соҳаи маориф ва илми назди Президенти Ҷумҳурии Тоҷикистон дар арафаи иди Саиди Қурбон дар партави дастуру ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба 20 оилаи камбизоат, маъюбону ниёзмандон ва барҷомондагон кумаки якдафъаина аз маводи хӯрокворӣ, аз қабили орди навъи якум, биринҷ, равғани растанӣ, шакар, макарон, нахудпора, перловка, марҷумак расонида шуд.
Шанбе, 08 Июн 2024 06:03
БАРГУЗОРИИ МАШҚИ ПАГОҲИРӮЗӢ ДАР БОҒИ ФАРАНГИВУ ФАРОҒАТИИ ҶАВОНОН
Субҳи имрӯз кормандони Агентии назорат дар соҳаи маориф ва илми назди Президенти Ҷумҳурии Тоҷикистон дар боғи фарҳангӣ- фароғатии “Ҷавонон” машқи пагоҳирӯзӣ анҷом доданд
