Аъзои раёсат зимни баромадҳои худ қайд намуданд, ки дар даврони Истиқлолият бо ташаббусу ҳидоят ва ибтикору ғамхориҳои бевоситаи Президенти Ҷумҳурии Тоҷикистон, Пешвои муаззами миллат, муҳтарам Эмомалӣ Раҳмон дар рушду нумуи соҳаи маориф корҳои зиёду нотакроре, ба монанди бунёди маорифи миллӣ, ворид гардидан ба фазои ҷаҳонии таҳсилот, таъсиси муассисаҳои таълимӣ, ихтисосҳои нав, таҳия ва тасдиқи барномаҳои давлатӣ, фароҳам овардани беҳтарин, дастрастарин имкониятҳо барои донишҷӯёну хонандагон ва шароити мусоиди корӣ барои омӯзгорон ба сомон расонида шуд. Яъне, дар даврони соҳибистиқлолӣ назорати давлатӣ дар соҳаи маориф ва илм ба муваффақияту дастовардҳои зиёде ноил гардидем, ки дар ягон давру замон дида намешуд.