Тоҷикӣ
Русский 
English 
Items filtered by date: Сентябр 2022
Душанбе, 12 Сентябр 2022 18:14
Нақши иҷлосияи ХVI Шӯрои Олии Ҷумҳурии Тоҷикистон дар ташаккули давлати демократӣ ва ҳуқуқбунёд
Иҷлосияи ХVI Шӯрои Олии Ҷумҳурии Тоҷикистон рӯйдоди воқеан таърихӣ мебошад, зеро маҳз дар ҳамин иҷлосия тақдири ояндаи давлати миллии тоҷикон тарҳрезӣ гардид.
Эмомалӣ Раҳмон
Иҷлосияи ХVI Шӯрои Олии Тоҷикистон, ки 30 сол муқаддам дар Қасри Арбоби Хуҷанди бостонӣ баргузор гардида буд, рӯйдоди бузурги таърихие мебошад, ки дар таърихи давлатдории миллии тоҷикон ва таърихи навини Тоҷикистони соҳибистиқлол марҳилаи сифатан навро бунёд гузошта, хатари ҳамчун давлати мустақил барҳам хӯрдани Тоҷикистон ва ҳамчун миллат аз байн рафтани тоҷикони куҳанбунёдро пешгирӣ кард. Ба ёд овардани ин санаи муҳими таърихӣ, ки воқеан оғози аз вартаи ҳалокатбори ҷанги шаҳрвандӣ раҳо ёфтан ва тадриҷан ба остонаи сулҳу ваҳдат, ризоияти миллӣ ва созандагию бунёдкорӣ расидани миллати мо гардид, қарзи инсонии ҳар фарди солимфикри ҷомеа мебошад, зеро маҳз дар ҳамин иҷлосия тақдири ояндаи давлати миллии тоҷикон тарҳрезӣ гардид ва ба сӯи ҳадафҳои бузурги умумимиллӣ – сулҳу субот ва ваҳдати миллӣ қадамҳои нахустин гузошта шуд. Ин иди эҳёи давлатдории тоҷикон, тантанаи ваҳдати миллӣ ва таҷассумгари орзуву ормонҳои бисёрасраи халқи тоҷик аст.
Панҷшанбе, 08 Сентябр 2022 16:38
Табрикоти директори Агентӣ
Табрикоти директори Агентии назорат дар соҳаи маориф ва илми назди Президенти Ҷумҳурии Тоҷикистон – Субҳонзода Икром Субҳон бахшида ба ҷашни 31 – солагии Истиқлолияти давлатии Ҷумҳурии Тоҷикистон
Ҳамватанони азиз!
Бо камоли эҳтиром ва самимияти хоса бузургтарин ва муқаддастарин дастоварди миллати тоҷик 31-умин солгарди соҳибистиқлолии Тоҷикистонро ба халқи ватандӯсти кишвар муборакбод мегӯем. Истиқлолияти давлатӣ волотарин дастовард, ва падидаи сиёсӣ ба шумор рафта, маҳз бо ташаббус ва ҳидоятҳои созандаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, мардуми тоҷик пас аз ҳазор сол аз нав соҳиби давлати мустақил, ягона, демократӣ, ҳуқуқбунёд гардида, ормонҳои миллии халқи тоҷик амалӣ ва манфиатҳои миллӣ ҳифз гардиданд.
Панҷшанбе, 08 Сентябр 2022 16:22
Таҷлили 31-умин солгарди Истиқлолияти давлатии Ҷумҳурии Тоҷикистон дар Агентӣ
Агентии назорат дар соҳаи маориф ва илми назди Президенти Ҷумҳурии Тоҷикистон ҷиҳати сазавор пешвоз гирифтани ҷашни 31-умин солгарди Истиқлолияти давлатии Ҷумҳурии Тоҷикистон бо иштироки Субҳонзода Икром – директори Агентии назорат дар соҳаи маориф ва илми назди Президенти Ҷумҳурии Тоҷикистон, Содиқӣ Насиба – раиси Кумита оид ба илм, маориф, фарҳанг ва сиёсати ҷавонони Маҷлиси намояндагони Маҷлиси Олии Ҷумҳурии Тоҷикистон, Хонзода Абдураҳмон – роҳбари дастгоҳи Кумитаи иҷроияи Марказии Ҳизби Халқии Демократии Тоҷикистон, Мирзозода Иброҳим - раиси Кумитаи иҷроияи Ҳизби Халқии Демократии Тоҷикистон дар шаҳри Душанбе, кормандони дастгоҳи марказӣ ва минтақавии Агентӣ чорабинии тантанавӣ баргузор гардид.
Чоршанбе, 07 Сентябр 2022 16:13
Истиқлолияти давлатӣ ҳамчун рамзи озодии миллат
Пешвои муаззами миллат, Президенти Ҷумҳурии Тоҷикистон, муҳтарам Эмомалӣ Раҳмон дар яке аз суханронии хеш таъкид доштанд, ки “Ҳатто дар солҳои вазнини ибтидои Истиқлолият тамоми фикру андешаи ман ҳамчун Сарвари давлат дар баробари таъмин намудани сулҳу оромии кишвар ба ҳалли масъалаҳои маориф ва дастгирии ин соҳаи барои ҷомеа ва давлат ниҳоят муҳим банд буд. Ва чунонки мушоҳида мекунед, ман ҳамаи имконияту василаҳоро ба хотири таҳким бахшидани пояҳои илму маориф равона карда, ба рушди ин соҳаҳои муҳими иҷтимоқ диққати махсус медиҳам ва ин масъаларо ҳамчун самти афзалиятноки сиёсати давлат ва Ҳукумат бо истифода аз тамоми захираву имкониятҳо дастгирӣ менамоям”.
Дар бораи мо
Ҷумҳурии Тоҷикистон, ш. Душанбе кӯчаи Айнӣ 126
E-mail: This email address is being protected from spambots. You need JavaScript enabled to view it.
Tел: 225-85-35
Факс: 225-85-35