Саравал, бо сухани ифтитоҳӣ директори Агентии назорат дар соҳаи маориф ва илми назди Президенти Ҷумҳурии Тоҷикистон Муҳаммадтоир Саидзода баромад намуда, саҳм ва нақши фаъолияти муассисаҳои таҳсилоти иловагиро дар фаро гирифтани ҷавонон ба касбомӯзӣ баҳогузорӣ намуда, аз камбудиҳои ҷойдошта дар фаъолияти муассисаҳои таълимии таҳсилоти иловагӣ изҳорӣ нигаронӣ кард.

  Сипас, намояндаи Агентии назорати давлатии молиявӣ ва мубориза бо коррупсияи Ҷумҳурии Тоҷикистон, сардори раёсати назорати давлатии муассисаҳои таҳсилоти ибтидоӣ, миёнаи касбӣ ва таълими каслонсолони Агентӣ, сардори раёсати назорати давлатии муассисаҳои таҳсилоти томактабӣ, миёнаи умумӣ  ва иловагии Агентӣ, намояндаи Вазорати корҳои дохилии Ҷумҳурии Тоҷикистон дар самти фаъолияти марказҳои омӯзишии забономӯзӣ ва касбомӯзӣ баромад намуданд.

  Дар фарҷом ба намояндагони Вазорати корҳои дохилии Ҷумҳурии Тоҷикистон, Агентии назорати давлатии молиявӣ ва мубориза бо коррупсияи Ҷумҳурии Тоҷикистон, Муассисаи давлатии «Маркази таълимии калонсолон», Ҷамъияти саҳомии пӯшидаи «Рушди роҳнавард», Кумитаи марказии Ташкилоти ҷамъиятии мададгори мудофиаи Ҷумҳурии Тоҷикистон, Иттифоқи автомобилчиёни Ҷумҳурии Тоҷикистон ҷиҳати ҳамкориҳои судманд ва саҳми арзандаашон дар сиёсати пешгирифтаи Президенти Ҷумҳурии Тоҷикистон, муҳтарам Эмомалӣ Раҳмон “Ифтихорнома”-и Агентии назорат дар соҳаи маориф ва илми назди Президенти Ҷумҳурии Тоҷикистон тақдим карда шуд.